നസ്‍ലിൻ - കല്യാണി പ്രിയദർശൻ ചിത്രം ദുൽഖർ സൽമാൻ നിർമിക്കുന്നു | Naslen - Kalyani Priyadarshan movie is produced by Dulquer Salmaan
ദുൽഖർ സൽമാൻ നിർമിക്കുന്ന പുതിയ ചിത്രത്തിൽ നസ്‍ലിൻ നായകനും കല്യാണി പ്രിയദർശൻ നായികയുമാകുന്നു. ദുൽഖർ സൽമാന്റെ ഉടമസ്ഥതയിലുള്ള വേഫെറർ ഫിലിംസ് നിർമിക്കുന്ന ഏഴാമത്തെ ചിത്രമാണിത്. രചനയും സംവിധാനവും നിർവഹിക്കുന്നത് അരുൺ ഡൊമിനിക്. സിനിമയുടെ പൂജ കഴിഞ്ഞ ദിവസം നടന്നു.
ഈ ചിത്രം വളരെ സ്പെഷൽ ആണെന്നും, ചെറിയൊരു ഇടവേളയ്ക്കു ശേഷം ആവേശകരമായ ഒരു ചിത്രത്തിൻ്റെ നിർമാണമാണ് തങ്ങൾ ആരംഭിച്ചിരിക്കുന്നതെന്നും ദുൽഖർ സൽമാൻ തൻ്റെ സോഷ്യൽ മീഡിയ വഴി അറിയിച്ചു. എല്ലാവരുടെയും പ്രാർത്ഥനയും പിന്തുണയും ഒപ്പം ഉണ്ടാകണം എന്നും അദ്ദേഹം അഭ്യർഥിച്ചു.
